in

Percakapan (Dialog) Bahasa Bali Berisi Basita ParibasaBali

Telat


Sabilang maan paplajahan Bahasa Bali, Gedé Arya setata telat masuk kelas. Ento mawinan ia gedegina tekén guru Bahasa Baliné.

Gedé Arya : ” Tok, tok, tok.., tok…. ampura Pak, titiang telat “. 

Bapak Guru : “Wih… Gedé….., tegarang mai malu!. Ngudiang dadi sabilang Bapak ngajahin telat dogén?. Apaké Gedé tusing demen tekén paplajahan  Bahasa Bali?. Apeké Gedé tusing demen teken Bapak ané ngajahin Bahasa Bali?” Apa mulan Gedé majoan pancing masekolah.  

Gedé Arya nguntul, majujuk di arep guru Bahasa Baliné tuara bani matolihan. Marasa tekén déwékné pelih. Iya mendep tan pasaut buka togogé lolohin. 

Bapak Guru : “Gedé suba ngae tugas paribasa ané aminggu orain bapak ngumpul jani paling lambat!

Géde Arya mendep buka siapé sambehin injin.

Bapak Guru : “Eh…, Gedé, dingeh patakon Bapak? Dadi mendep?”

Gedé Arya : “Am, am, ampura titiang telat Pak,!” Tiang dibi wengi magadang nika pak, reraman titiang wénten sané sungkan opname ring Rumah Sakit, dadosné mangkin telat ngranjing ka sekolah, sekadi bé siap mawadah naré padéwékan titiangé mangkin pak.
Bapak Guru  : “Buiihh misi maparibasa I Gedé Arya, Yakti ento Géde, sing nyen raos Gedé mabuah jaka.
Gedé Arya : “Sa….., sapuniki Pak, titiang telat wau ping kalih kémanten. Ampura titiang, ngawit benjang titiang nénten ngwawanin malih”, Gedé Arya mapasaur saha  maketimun pait tekéning Bapak guru.
Bapak Guru : “Ngih, kewala apang saja buka raos Gedé! Yéning buin telat, tusing manut raos Gedé, Bapak lakar nekaang reraman Gedé ka sekolah. Kenken?” Guru Bahasa Baliné nyekenang matakén
Gedé Arya  : “Inggih Pak….. Titiang misadia kadi napi sané kabaosang Bapak. Yéning malih titiang telat, titiang misadia ngrauhang reraman titiangé ka sekolah”. Atur Gedé Arya.
Bapak Guru  : “Nah yén keto jani dadi suba Gedé Arya marengin paplajahan Bahasa Bali, nanging eda engsap teken janji.
Inggih Pak…..” saur Gedé Arya sinambi ngojog tongosné negak.

Written by nandasanjaya38@yahoo.com

I'm blink-182 fan and i'm proud of it. 4505 likes. Just another page about the most awesome band on the planet.

Leave a Reply

Your email address will not be published. Required fields are marked *

2 Jenis Orang Melihat Dalam Agama Hindu

Percakapan (Dialog) Bahasa Bali Berisi Paribasa Bladbadan